Мектепалды даярлық сыныбында өткен апта аясында «Балалар жазды жақсы көреді» атты сурет байқауы өтті. Жаз – балалар үшін ең бақытты мезгіл. Алдымен балаларға «Жаз деген не?» деген тақырыпта қиялдауға ұсыныс жасалды. Суреттер өте ашық, балалық жеңілдік пен тентектіктен құралған.
Жас суретшілер өз жазын қалай көріп, қалай сезінсе – солай бейнеледі. Олар гүлдер мен ағаштарды, күн мен бұлттарды, және әрине, кемпірқосақты салды.
Байқау соңында балалар бір-бірінің суреттерін қарап, өздеріне не ұнағанын айтып берді. Барлық жұмыстар тамаша болды, ең бастысы – мейірімге толы болды.